Festival On&Off 2008
A proxección das obras realizadas na edición anterior serviu como pistoletazo de saída do IV Festival de curtas ON&OFF, que se celebrou do 29 de xullo ao 2 de agosto de 2009.
27 traballos formaron parte da sección oficial, que estivo dividida en varios bloques:
- 2 bloques de 6 curtas de ficción:
Salvar el mundo, Machu Pichu, Fest, Pelo Olvido, Botones e Cores.
Bilingüe, Silba Perfidia, Present Perfect, Lost in Montanaro, 18 segundos e Mínimo común múltiplo.
- 2 bloques de 6 curtas de animación:
O pintor de ceos, El empleo, Solos, Los pecadores, Salvation e Leo.
1977, La fábula del prisionero y la flor, Revolt of the mouses, El príncipe de las basuras, Dibujo de David e Levedad.
- 1 bloque de 3 curtas documentais:
El doctor italiano, Valkirias y Bata por fuera (mujer por dentro).
As curtas, ao igual que en anos anteriores, proxectáronse no cine Teatro, en rincóns da zona vella e no Cantón.
En A toda mecha participaron 8 equipos, que tiveron un máximo de 75 horas para realizar as súas curtametraxes.
Desta vez, a organización facilitoulles varias obras musicais cedidas pola discográfica Falcatruada, xunto cos medios necesarios para a gravación e a postprodución.
Unha condición imposta aos grupos foi a de incluír nas pezas un elemento de atrezzo e unha localización previamente indicados polos organizadores e o premio final foi de 3000€.
Entre as actividades paralelas do festival, non faltaron as Sesións Vermú, é dicir, charlas nas terrazas do Cantón e do Breogán nas que se analizaron diferentes aspectos do audiovisual e ás que acudiron profesionais do sector.
Outra das novidades desta cuarta edición foron os Filmes Concerto, coas actuacións dos grupos Contraplano e Nikouala, que combinaban música e audiovisual.
En canto ás proxecións, unha das máis esperadas do ON&OFF 2008 foi a da película Pradolongo, de Ignacio Vilar.
No marco do Intercambio Xuvenil Intercultural Audiovisual, chegaron a Ribadeo estudantes de catro países: Reino Unido, Estonia, Bulgaria e Portugal. Durante a súa estancia na vila gravaron varias curtas.
Na gala de clausura, onde actuaron Zora Gabbara e Sempre se fixo, entregáronse os premios ás curtas gañadoras, elexidas polo xurado. Este estivo formado por Elisa Vecino (Escola de Imaxe e Son da Coruña), Santiago Jaureguízar (escritor) e Xosé Lois Santiago (Festival Internacional de Cine Independente de Ourense).
Os gañadores da sección oficial foron:
- Misto de Pau de Sabugueiro á mellor curta de ficción: 18 segundos de Zacharías e MacGregor.
- Misto de Pau de Carballo á mellor curta de animación: O pintor de ceos, de Jorge Morais.
- Misto de Pau de Castiñeiro á mellor curta documental: Bata por fóra (muller por dentro) de Claudia Prenlla.
A mellor curta para o público foi O gran golpe, sobre a Liga Nacional de Billarda, mentres que o premio do xurado recaeu sobre O ecoloxista, no que se presenta a un mozo que rola por Ribadeo.
O premio á mellor actriz foi para Marta Lara (de Ribadeo) e o de mellor actor para Zidane (de Celeiro de Mariñaos, Barreiros).
E en 2009 chegou a quinta edición do festival, que deixou de chamarse ON&OFF para converterse en OFestivalON...
Warning: count(): Parameter must be an array or an object that implements Countable in /var/www/vhosts/ribadeo.com/httpdocs/templates/meet_gavern/html/com_k2/templates/default/item.php on line 218