Ribadeo On line todo sobre Ribadeo - May 2025

RUTA ENTRE RÍOS

A COSTA: Tomando como centro a ría de ribadeo e como metas tanto ao leste como ao oeste, as outras dúas rías máis importantes da comarca, organizamos unha das excursións máis interesantes do norte da península.
Entre a ría de Navia e a Ría de Foz veremos uns pagos que aínda que pertencen a diferentes comunidades autónomas son mais os aspectos que as unen que os separan.

DE BARREIROS A RINLO: O máis destacable desta parte do camiño no seu tramo costeiro son as súas praias. Case nove km de interrompidos areais fano merecedor de cinco bandeiras azuis así co recoñecemento internacional do coidado das súas praias e das múltiples instalacións que nelas atopamos.
Destaca especialmente a coñecida como Praia das Catedrais

RINLO: é unha aldeíña mariñeira de orixes descoñecidas. Veremos o seu interesante pobo e os cantiis que o circundan

RIBADEO: Capital da comarca. é a poboación máis importante. Nela poderemos ver, Miradoiro da Atalaia e zona vella, o porto deportivo e o comercial, Forte de San Damián e Area recreativa do Cargadeiro, Paseo ata o Faro e a Illa Pancha, Miradoiro de Santa Cruz.

CASTROPOL: é a segunda capitalidade da ría de ribadeo. Teñen como interesante o porto deportivo e de pesca, a capela de Santa María del Campo, Monumento a Fernando Villamil e Parque de Vicente Loriente.

FIGUERAS: Palacete Peñalba, Castelo de Trenor e o seu belo porto pesqueiro.

TAPIA DE CASARIEGO: Precioso pobo mariñeiro. Visita ao Porto e paseo ata o Faro.

VIAVELEZ: Unha das ensenadas e porto de abrigo máis interesantes da comarca. Visita ao porto e pobo.

COAÑA: Está un pouco separado da estrada xeral, pero merece desprazarse pera ver o seu castro perfectamente recuperado e o seu museo etnográfico.

NAVIA: é unha das vilas máis importantes da costa Asturiana. A súa florecente industria así como unha ampla oferta comercial fan ao pobo un referente económico da comarca.

 Parroquia situada na esquina nor-leste do municipio ribadense. Nela venérase con gran devoción (principalmente os mariñeiros), a imágen da Virxe (aparecida no mar, segundo a tradición). Polo Leste linda en todo o seu perímetro coa ría de ribadeo, ata o faro de de a illa Pancha que vixía a entrada da ensenada de Vilaselán, xa no sector norte que dá a mar aberto. Polo sur limita con Ribadeo cunhas fronteiras practicamente eliminadas pois xa hai barrios integrados no casco da vila como A Lodeira e Os Galos

O unico curso que atravesa a parroquia é o río de Vilaselán. A súa altitude é baixa non alcanza en ningún punto os 40 metros, ten unha superficie lixeiramente ondulada.

A súa extensión é de 3,10 Km² sendo a terceira con menor extensión. Unha boa parte desta parroquia está integrada no centro urbano. Entre outros barrios Picarolas, Os Galos, Igrexa, O Circo, As Barreiras, A Cruz e Xibraltar.

Arquitectura Relixiosa

Igrexa de Santa María de Vilaselán (século XVIII), con nave rectangular con catro arcos, capela maior con arco triunfal e bóveda de aresta, dúas sancristías, torre de campás sobre o frontis e pórtico encostado ao muro dereito da nave. No interior, retablo maior, de estilo neoclásico e dous laterais, de similar factura. Capela de San Miguel

Castro de Louselas

O achado arqueolóxico de Louselas, situado na parroquia de Vilaselán, atópase nestes momentos en fase de avaliación. Segundo os arqueólogos desprazados ao efecto, é un xacemento de gran importancia tanto pola súa extensión como pola cantidade de restos atopados ata o momento (algúns depositados no Museo de Vilalba). Auguran que probablemente sexa o maior e mellor xacemento de Galicia. Nestes momento estase executando a concentración parcelaria de Vilaselán e a zona que delimita o castro quedará reservada para investigación e exposición.

San Lourenzo de Vilaframil sitúase na zona centro-norte do municipio de Ribadeo. ten unha superficie de 7,85 Km² e rolda os 300 habitantes. Limita ao leste con Covelas e A Devesa ao noroeste con Rinlo e ao oeste con Piñeira e polo norte os cantiis que dan ao mar Cantábrico.

Ten dúas zonas moi definidas, a rasa litoral prácticamente chaira onde está a maior parte da poboación e por onde se sitúa a estrada da costa e o ferrocarril de FEVE. Na zona sur a parroquia faise montañosa alcazando os 300 mts de altitude.

Crúzana tres arroios: o máis oriental serve de límite con Piñeira, o central da Capela nace un pouco máis arriba da Madanela e desemboca na ensenada de Liñares., o occidental de San Xulián, pasa polo lugar do mesmo nome e desemboca no porto de Rinlo.

Nesta parroquia crease a mediados de século unha escola para os agricultores do municipio a Granxa Escola Pedro Murias subvencionada por un ribadense que emigrou a Cuba. Estivo uns anos pechada pero volveuse a abrir como centro de Capacitación Agraria dependente da Xunta de Galicia.

Moi preto poderemos atopar o Aeródromo de Ribadeo creado polo Club Aereo de Ribadeo unha pista totalmente asfaltada para voos locais cos seus hangares.

Os seus habitantes repártense en 11 entidades de poboación: Madanela, San Xulián, Campo do Balado, Coto, Campo de San Lorenzo, Requeixada, Riocaínzos, Piñeiral, Tombín, Coedo

San Xoan de Ove pertence ao Arciprestazgo de Ribadeo e os 430 habitantes de 1991 daban unha media de 27 hab/Km2.

ocupa todo o sector centro-leste de o municipio de Ribadeo. Nela sitúase o coñecido monte de Santa Cruz onde se celebra a Xira homenaxe á Gaita declarada de interese turístico.

Polo nordeste limita con Ribadeo, que absorbeu parte da parroquia, ao noroeste Piñeira e polo sur o río Grande fai de límite con Vilaosende en boa parte e polo leste atópase a ría de ribadeo.

Conta cunha superficie de 13,75 Km², na que se asentan 26 poboacións: Garitos, Covo, Chao, Igrexa, Palmeira, As Aceas, Acevedo, Pastoriza, Graña, Casas Novas, Guildeiros, Frieira Nova, Frieira Vella, Reme, A Pega, Xardín, San Lázaro, Santa Cruz, Xeixadelo, Valín.

Arquitectura Relixiosa

Igrexa de Santa María de Ove (século XVII), con retablo rococó no presbiterio, de dous corpos. Nas naves laterais, outros dous do mesmo estilo.Capela de San Estevo (Ove), cun retablo barroco dun corpo e tres hornacinas. Capelas de Santa Cruz, San Lazaro, San Esteban (Graña), Santa Lucia (Frieira)

Santiago de Couxela pertencente ao Arciprestazgo de Ribadeo tiña en 1991 unha densidade de case 40 hab/km2 para 185 habitantes da parroquia.

Couxela está situada no sur-este de o municipio e separada de Asturias polo río EO. é unha das parroquias máis pequenas de Ribadeo xa que a súa superficie é tan só de 4,9 Km².

Ningún arroio cruza a parroquia sendo os existentes os que o delimitan; limita en todo o norte con VIlaosende e ao leste con Cedofeita.

Polo sur, co regato de Ferreira de limite, con Trabada e o sector sueste está delimitado polo río Eo que o separa do veciño municipio asturiano de Vegadeo.

A pesar da súa escasa extensión, conta con 12 poboacións: Casais, Venda, Cima de Vila, Irexe, Cerdeiriña, Sendín, Casanova, Fornelo, Xunqueira, Moural, Rego e Meizán.