San Vicente de Covelas pertence ao Arciprestazgo de Ribadeo e no ano 1991 tiña 503 habitantes que resultaban en case 40 hab/Km2.

Esta é a parroquia que ocupa a zona centro. é a segunda en canto a extensión xa que conta con 14,325 Km². En Covelas, Arante e Santalla de Vilaosende concéntrase a maior parte da produción agricola e gandeira do municipio.

Limita ao norte con Vilaframil e en parte co nordeste de Piñeira, polo leste a maior parte está en contacto con Ove, excepto cara ao sueste que se atopa Vilaosende, co río grande como separación. Ao sur, o mesmo río sepárao de Cedofeita e o río Lexoso de Arante polo suroeste, o resto ocúpao a fronteira coa parroquia da Devesa.

Nesta parroquia atópase o punto máis alto do municipio, o monte Mondigo a 571 metros de altura onde se sitúan un bo número de repetidores de TV, rádio e comunicacións.

Os habitantes de Covelas repártense nas seguintes 16 poboacións: San Vicente, As Anzas, Marelle, A Rúa, Salcedo, Barreiras, O Vilar, Sáa, Vilela, Aenlle, Pousadoiro, Cereixido, Carboeiro, Celeiros, Casas dá Edra e A Ponte.