San Lourenzo de Vilaframil sitúase na zona centro-norte do municipio de Ribadeo. ten unha superficie de 7,85 Km² e rolda os 300 habitantes. Limita ao leste con Covelas e A Devesa ao noroeste con Rinlo e ao oeste con Piñeira e polo norte os cantiis que dan ao mar Cantábrico.

Ten dúas zonas moi definidas, a rasa litoral prácticamente chaira onde está a maior parte da poboación e por onde se sitúa a estrada da costa e o ferrocarril de FEVE. Na zona sur a parroquia faise montañosa alcazando os 300 mts de altitude.

Crúzana tres arroios: o máis oriental serve de límite con Piñeira, o central da Capela nace un pouco máis arriba da Madanela e desemboca na ensenada de Liñares., o occidental de San Xulián, pasa polo lugar do mesmo nome e desemboca no porto de Rinlo.

Nesta parroquia crease a mediados de século unha escola para os agricultores do municipio a Granxa Escola Pedro Murias subvencionada por un ribadense que emigrou a Cuba. Estivo uns anos pechada pero volveuse a abrir como centro de Capacitación Agraria dependente da Xunta de Galicia.

Moi preto poderemos atopar o Aeródromo de Ribadeo creado polo Club Aereo de Ribadeo unha pista totalmente asfaltada para voos locais cos seus hangares.

Os seus habitantes repártense en 11 entidades de poboación: Madanela, San Xulián, Campo do Balado, Coto, Campo de San Lorenzo, Requeixada, Riocaínzos, Piñeiral, Tombín, Coedo

San Pedro de Rinlo é a parroquia con menor extensión do municipio e, xunto con Ribadeo, é o único que ten categoría de núcleo urbano. A súa extensión é de 1,275 Km² e a súa poboación rolda os 300 habitantes.

Limita polo sur con Vilaframil e a parte máis suroeste entra en contacto coa Devesa, mentres o norte e o oeste ocúpao o mar. Toda ela está por baixo dos 20m de altitude aínda que non quere dicir que sexa totalmente chaira. Só ten un arroio, o de San Julián pero de escaso percorrido.

Conta cun pequeno porto situado na ensenada da desembocadura do regato de San Xulián. Pobo de gran tradición mariñeira co seu propio depósito e traida de augas. Un lugar de xentes singulares, moi indicado para darse un paseo polas súas estreitas calexóns ou gozar do arroz caldoso (con marisco) do bar do porto.

Unha web sobre esta parroquia www.omeupoboderinlo.com

Arquitectura Civil

As casas mirando ao mar cos seus diferentes coloridos e as súas estreitas calexóns, estase rehabilitando toda a rasa costeira como paseo marítimo

Arquitectura Relixiosa

Igrexa de San Pedro no casco de Rinlo.